Hiatzt is dös schöne Fruahjohr kemma, d´Sommerzeit dazua,
jed´s Johr dös gleiche Thema, beim Umstöh´n von der Uhr.

 

Der Winter woa dement, er hot sei Johreszeit verpennt. Für´n
Wintersport bei uns koan Schnee, dös Wosser föht, ojemine…

Der Goldregen bliat, d´ Vogerl singen, d´ Knosp´n springen auf
dös neichi Leb´n nimmt seinen Lauf. Die gonze Schöpfung,
Mensch, Tier und Natur glonzt in neuer  Lenz – Politur.

D´Kinder frog´n, wonn Ostern kimmt,
ob jeder glei sei Nesterl find´t?
Der April, tuat wos er will dös is normal,
ein alljährlicher Wiederholungsfall.

Doch bei Wetterkapriolen in der Welt, is ois auf Klimawand´l eingestellt.
Mia leb´n auf dem Planet´n, ois wonn mia a Reserve hätt´n.
Achtsamkeit wär´ die Devise für die oigemeine Krise;
ob orm, ob reich - Verantwortung trogt jeder gleich.
Ökologen und g´scheiti Leut´ sog´n uns gonz ehrlich,
extensiver Lebensstil, der wird gefährlich!

Wo Mensch´n in ihrer Position egozentrisch denk´n,
wird hoffentlich der Herrgott ois zum Recht´n lenk´n!

Mia wer´n uns trau´n, fruahjohrsmäßig vorwärts schau´n,
engagiert und aufmerksam leb´n, Werte weiter geb´n.
Für Hilfe zur gerechteren Welt, braucht´s Spenden und Geld nur,
der schnöde Mammon regiert  raffiniert….

Bei Verschwendung und Korruption entsteht so monche
Illusion. Medien bericht´n dö unrecht´n G´schicht´n.

Ob ´s Umdenk´n dö Runde mocht,
in der Karwoche oder in der Osternocht?
Mit festlichem G´waund,
den Palmbesen in der Haund,
so fongt daun dö Heilige Woche an.

Wonn d´Glock´n noch Rom fliag´n, wird´s stü.
Mitanaund Kreuzweg bet´n mit G´füh´
und eigenes Leid besser versteh´n;
symbolisch niederknie´n, aufsteh´n, weitergeh´n…….
Auferstehung  feiern, mit Christus dem Herrn.
Gemeinschoft empfind´n, wird wieder  modern!

Osterruf: Lumen Christi - Deo gratias - Halleluja
aus der Dunkelheit kimmt´s Osterliacht,
dass si neamt vor der Zukunft fiacht´.

Wir wollen alle fröhlich sein in dieser österlichen Zeit,
denn unser Heil, Herr Jesus Christ, vom Tod erstanden ist.
Ihm sei Lob und Ehre, von nun an bis in Ewigkeit (Text aus GL 326)

+  Du umschließt mich von allen Seiten, du legst deine Hand auf mich  /  Psalm 139.5