Refrain: Dimbacher san mia, stolz san mia d´rauf, geht ´s a bei uns bergl o bergl auf.
D´ Leut´ san nu g´miatli, owa a modern; Maria am grünen Anger, jo do leb´n mia gern.
- Dimbach im Strudengau, schön is d´ Natur, miteinnand´ wondern, a dös is Kultur.
Schau dir dö Kräuter on und den Wohlfühlplatz; Zeit nehma und vaschenga, hot Sinn is a Schotz. - Franz Xaver Müller er wor Komponist, die Marktgemeinde do sei Hoamat ist.
Im Wapp´n der Schwan, majestätisch und rein; der Friedensort und d´ Kirch´n, zur Woifohrt lod´n ein. - Dimbacher Scheck´n sand jedem bekonnt, ´s Brauchtum bereichert dös Mühlviertler Laund.
Jausna konnst Holzofenbrot, Speck und Most, Schnops, Tee, Bauernkropf´n; Mohizeit, trink a Prost. - Jo, unser Ort is a Platzl mit Herz, wonnst amoi fort bist daun druckt di da Schmerz.
Kimmst wieder z´ruck, is dös Hoamweh vorbei; Daun bist du dahoam, bist glücklich, froh und frei. - Die Saat geht auf, wos z´erscht kloa is wird groß, in den Vereinen is immer wos los.
D´ Ortsmusik spüt und der Chor singt mit Freud´; Griaß Gott – Pfiat Gott- Daunkschön, dös sog´n Dimbacher Leut´. - Mei Hoamatort is a gonz liafer Schotz, er is für mi so a b´sonderer Plotz.
D´ Liab und ´s G´füh´ is, do bin i so gern; möcht´ z´fried´n mit dir leb´n, mit 100 lochend sterb´n.
***************************
D´ Hoamat, is wia a Zimmer, rundum vertraut, a Plotz wo ma gern lebt und in d´ Zukunft schaut.
Nix konn oan hindern, konnst selbstbewußt leb´n und dein Nächst´n Zuversicht geb´n.
Heimat ist dort, wo du dich wohl fühlst, schau´ dich um und du entdeckst kleine Wunder!
* Margarete Sickinger