Es weihnocht schau, d´ Flocken foin gonz socht,
d´ Natur braucht ihr Ruha, es wird schau glei Nocht.
Wonn olli Leut´ schlofan und im Hoizof´n ´s Feuer glimmt,
is drauß´n koit, wei´ boid ´s Christkind´ kimmt.
Wonn d´ Oma mit dö Enkel Kekserl bocht,
daun wird g´wutzlt, zaumpickt und g´locht.
Grod so, wia dös früha wor, da Weihnochtsduft steigt empor,
a friedlich, stadi Zeit, dös wünscht sich a jeda heut´.
Tannenzweigerl sand zan Adventkronz bundn,
drei violette und oa rosa Kerz´n hot ma drauf g´ fund´n,
a Besinnung entsteht und mia werd´n z´fried´n.
Der Weihnochtsbaum steht g´schmückt im Zimmer,
dö Atmosphäre vergess´n mia nimmer.
In der Corona bestimmt´n Zeit, vagießt ma oft auf d´ Freud´,
owa dös glückli sei und bewusst a wengal locha,
tuat dö Epidemie zum ertrog´n für uns leichta mocha.
Es is - wias is, mia werd´n ´s diszipliniert übaleb´n,
vielleicht wer´n mia daunkbora, beim teil´n und geb´n.
Vü Not gibt ´s überoi und oft wird während dess´n,
auf ´s bitt´n und bet´n ah gonz vagess´n.
Wonn sö ois ändert und nix mehr is, wia ´s amoi wor,
vatrau´n mia auf ´n Herrgott und glaub´n, wia je zuvor!
Harmonische Feiertage und ein gesundes Jahr 2022!